Ресурси кои ќе ви помогнат да ги постигнете вашите здравствени цели

Овој курс вклучува информации за пакетот апликации за здравје на вашиот телефон и набројува примери за разни видови апликации за здравје и добросостојба.

Пакетот апликации за здравје на Android е наречен Google Fit:

тој е претходно инсталиран или можете да го преземете бесплатно од Play Store
Google Fit секојдневно ги брои чекорите и можете да поставите цел
добивате Поени на срце (Heart Points) кога правите потешки вежби
начинот на кој ви се доделуваат поените се заснова врз препораките на Светската здравствена организација (World Health Organisation)
Google Fit може да се поврзи со други апликации за вежби и вашата активност може да се вброи во вкупниот број Поени на срце (Heart Points)
апликацијата ја следи вашата локација (location), но нема да ја споделува со други апликации. Можете да го исклучите ова
Google Fit исто така функционира и на iPhone
некои телефони со Android имаат апликација за здравје од производителот слична на Google Fit, на пример Samsung Health.

Пакет апликации за здравје на Apple iPhone

Пакетот апликации за здравје на Apple е наречен Apple Health:

тој е ексклузивен за iPhone и нема верзија за iPad и за телефоните со Android
има придружна апликација наречена Fitness+ којашто нуди видео-тренинзи со насоки
тренинзите на Fitness+ можат да се синхронизираат со Apple Health за да се вбројат во секојдневниот вкупен резултат
можете да видите краток преглед на вашето здравје во горниот дел на главниот екран
Stand Hours брои колку често станувате во текот на денот
ако не сте ја користеле апликацијата подолго време, таа ќе почне да ви дава предлози (suggestions) како да ги исполните здравствените цели
Apple Watch додава повеќе видови следење на здравје кога се спојува со вашиот iPhone и Apple Health
Apple Health може да ја следи стабилноста на пешачење, којашто може да биде добар показател на вашето целокупно здравје.

Информациите во Google Fit, Apple Health и други апликации за здравје често се даваат во облик на совет. Секогаш треба да ги претпочитате упатствата и советите на вашиот лекар, а не она што апликацијата ви го предлага.

Ресурси за здраво јадење

Можете да користите интернет-страници за да ги планирате вашите оброци и да ги нарачувате состојките. Вообичаено е полесно да нарачате од интернет-страницата на супермаркетот, но една независна интернет-страница за рецепти може да биде подобра за идеи или инспирација.

Постојат илјадници интернет-страници за рецепти онлајн. Еве неколку популарни примери што одговараат на австралиските вкусови и достапни намирници:

Ако лекарот ви препорачал или ве советувал да следите специјална исхрана од здравствени причини, бидете сигурни дека го почитувате ова како приоритет наместо кој било совет во апликација. Ако не сте сигурни за нешто што апликацијата ви го кажува, разговарајте за тоа со лекарот пред да ја смените исхраната.

Ресурси за вежбање

Можете да го користите YouTube за да гледате вежби и тренинзи, или дури да вежбате заедно со тренинг со насоки. Не заборавајте дека можете да се претплатите (subscribe) на канал на YouTube (YouTube channel) за да добивате известувања кога каналот поставил нов видеозапис.

Следните канали на YouTube се популарни за вежбање дома:

The Body Coach TV
HASfit
Fitness Blender
SeniorShape

За да ги проверите овие канали лично, внесете го името во лентата за пребарување (Search bar) на YouTube.

Некои апликации се фокусираат на специфични видови вежби и можете да ги најдете со пребарување во продавницата за апликации за вашиот мобилен телефон. Примерите вклучуваат:

Strava за трчање и пешачење
Map My Walk со поголем фокус на пешачење
Down Dog за јога, медитација, тренинг
Pilates Anytime за пилатес
SilverSneakers GO за вежби за лица на возраст 65+

Ресурси за внимателност и медитација

Можете да го користите YouTube за да најдете канали за внимателност и медитација, или вашите омилени апликации за поткаст (podcast app) за да се претплатите и да преземете поткасти (podcasts) за добросостојба. Исто така, постојат апликации кои се фокусираат на внимателност и медитација. Еве неколку примери:

Headspace
Calm
Healthy Minds Program

Имајте предвид дека за некои од овие апликации е потребна претплата за да ги користите после пробниот период, а некои се бесплатни.

Дополнителни ресурси и помош

Можете да видите список со апликации оценети и препорачани од Австралиската влада (Australian Government) на: www.healthdirect.gov.au/health-and-wellbeing-apps

Важно е да помнете дека апликациите, поткастите и видеозаписите онлајн даваат само општи совети за внимателност и емоционална добросостојба и не претставуваат замена за лично советување или барање лекарски совет.

Ако мислите дека ви треба итна помош или едноставно сакате да разговарате со некого, можете да:

ја повикате LifeLine на 13 11 14
пратите текстуална порака кај LifeLine на 0477 13 11 14
разговарате онлајн со Lifeline на: www.lifeline.org.au/crisis-chat/